Арыстағы жарылыс: әскери бөлім бастығы мен оның орынбасары қамауға алынды
Әскери бөлім бастығы мен оның орынбасары ұсталды, деп хабарлайды Stan.kz ақпарат агенттігі ішкі істер министрлігінің баспасөз қызметіне сілтеме жасап.
2019 жылдың 23 тамызында ішкі істер министрлігі тергеу департаментінің әскери-тергеу басқармасы Арыс арсеналында жарылыс фактісі бойынша әскери бөлімнің командирін және оның орынбасары - артиллериялық оқ-дәрілерді сақтау базасының бастығын ұстады.
Әскери бөлім басшылығы қылмыстық кодекстің бірнеше бабы бойынша тергеуге алынып, құқық бұзушылық жасағаны үшін айыпталып отыр.
"Олар Қылмыстық кодекстің 462-бабы 3-бөлігі (жарылғыш заттарды пайдалану ережелерін бұзу), 453-бабы 2-бөлігі (абайсызда ауыр зардап әкелген) бойынша қылмыстық құқық бұзушылық жасады деп күдіктелуде. Дәл сол күні Түркістан облысы Арыс ауданының соты аталған адамдарды 2 ай мерзімге «Ұстау» атты алдын-алу шарасына санкция берді", - дейді ішкі істер министрлігінің баспасөз қызметі.
Қазіргі таңда қылмыстық іс бойынша сотқа дейінгі тергеу жалғасуда.