ArcelorMittal Қазақстандағы активтерінің бағасын айтты
ArcelorMittal компаниясы "АрселорМиттал Теміртаудың" активтерін 1,8 миллиард долларға бағалады. Бұл туралы Stan.kz ақпарат агенттігі хабарлайды.
Активтері туралы компанияның үшінші тоқсандағы қаржылық есебінде айтылған.
"Қазақстандағы Костенко шахтасындағы жойқын апаттан кейін ArcelorMittal қауіпсіздікті қысқа мерзімде қамтамасыз ету үшін көп нәрсе істеуіміз керек екені белгілі болды.
Компания барлық процестерге кешенді аудит жүргізу үшін үшінші тарапты тарту процесінде", – делінген холдингтің хабарламасында.
22 қазанда Үкіметтің "АрселорМиттал Теміртауды" мемлекетке беру туралы келісімге қол қойылған.
"Компания бұл мәмілені мүмкіндігінше тезірек жасауға бағытталған. 30 қыркүйектегі жағдай бойынша теміртау (болат және тау-кен өндіру) активтерінің баланстық құны – 1,8 миллиард доллар", – делінген құжатта.
Айта кетейік, 28 қазан күні төтенше жағдай аймағындағы өрттен кейін Костенко шахтасында жарылыс болды. Апат кезінде шахтада 252 адам болған, оның 46-сы көз жұмды. Апаттан кейін президент Қасым-Жомарт Тоқаев Қазақстан үкіметіне "АрселорМиттал Теміртау" АҚ-мен ынтымақтастықты тоқтатуды тапсырған еді. Қарағанды облысында кеншілердің өліміне қатысты қылмыстық іс қозғалғаны белгілі болды.