"Аралдың күйін кешеді": Экологтар Балқаш көлінің тартылып жатқанын айтып дабыл қақты

Алматы облысы аймағындағы ең үлкен су айдыны Балқаш көлі кебе бастады, деп хабарлайды Stan.kz ақпарат агенттігі «Бірінші арна Евразияға» сілтеме жасап.

Экологтар жақын арада Алматы облысында тұщы су тапшылығын болжайды. Мұның себебі - Балқаш көлінің тайыздығы.

Интернетте Балқашқа құятын Іле өзенінде балықтардың ақырындап өліп жатқанын бейнелейтін видеолар пайда болды. Шабақтар су кейін қайтқанда шұңқырларға түсіп, шалшықтарда кеуіп кетеді.

Басқа кадрларда куәгерлер судың алты метрге тартылғанын көрсетті.

Эколог Тимур Елеусізов жағдайға түсініктеме беріп, мәселенің негізгі көзін атады.

«Біріншіден, Қытай бізден көп су алады, екіншіден, ГЭС суды ұстап қалады. Тиісінше, өте аз мөлшер өзенге, одан әрі Балқашқа түседі», - деді ол.

Экологтің айтуынша, жақын арада Алматы облысының тұрғындары тұщы судың үлкен тапшылығына тап болуы мүмкін.

Тимур Елеусізов те Аралдағыдай трагедия Балқашта қайталануы мүмкін екенін атап өтті.