Арабқа тұрмысқа шыққан қазақ қыздары басынан кешкен сұмдықтарын айтып берді
Арабқа тұрмысқа шыққан қазақстандық қыздар басынан өткерген сұмдық оқиғаларын ашып айтып берді.
Бұл туралы NewTimes.kz хабарлайды.
Талдықорғандық 29 жастағы Дарина есімді келіншек Араб еліне қомақты қаржы табу үшін аттанған. Сол елде жүріп бақуатты ер адаммен танысқан. Танысқанынан көп уақыт өтпестен жатып, ол тұрмысқа шығуға ұсыныс жасаған. Осылайша ен байлыққа ие болуға мүмкіндік туған бойжеткеннің алдында оған ұл бала босанып беру міндеті тұрған.
“Күйеуім бай болғанымен қазір бізге, балаларына қарамайды. Қыздарын тіпті жақтырмайды. Балаларының бәрі оған ұқсамаған. Бәрі ашық өңді келген”, – дейді Дарина.
Ал Дубайда тұрып жатқан шымкенттік келіншек күйеуінің рұқсатынсыз ешқайда шыға алмайтынын, елде әйелдердің құқығы жоқ екенін айтады. Ол бүгінде бай жігіттің екінші әйелі.
“Араб әмірлігінде шетел азаматшалары тек екінші әйел ғана бола алады. Мен тұрмысқа шыққан соң күйеуім өзгеріп кетті. Соның айтқанымен киініп, соның қалаған асын жеймін. Соңғы кездері қол көтеруге дейін барып жүр. Мен ондайда камераға түсіріп аламын. Ол полиция шақырған соң ғана сабасына түсе бастайды. Балаларымды жақсы көреді. Сол ғана көңіліме демеу”, – дейді ол.
Қостанайдың 31 жастағы тумасы Дубайда күйеуімен ажырасып кеткенімен, сол елде өмір сүруде.
“Күйеуім ұрып-соққан соң ажырасып кеттік. Қуанышқа орай оның маған қол көтергенін дәлелдей алдым. Олай болмағанда қызым екеуміз аман қалмас едік. Мемлекет балаларыма баспананың, тамақтың, мектебінің медициналық қызметінің есебін төлейді. Мен Қазақстан азаматшасы болғандықтан қызмет тегін емес, бірақ арабтың балаларын өсіріп отырғандықтан жеңілдіктер аламын”, – дейді ол.
Араб ерлеріне тұрмысқа шыққан шетелдік қыздардың басынан бұдан да сорақы жағдайлар өтіп жатады. Өйткені елде ер адамдарға сот жоқ екен. Алайда, билік араб балаларының анасын далаға тастамай, жағдайын жасайды. Сондықтан бойжеткендер мұндай қатыгез өмірге тәуекел етіп жатады.
Жіберіп алмаңыз:
Пәкістандық қызды өзге ұлтқа тұрмысқа шыққаны үшін туыстары өлтіріп тастады
Үнді азаматына тұрмысқа шыққан қазақ қызы бақытты екенін айтты (фото)
Қазақ қызы мен қара нәсілді жігіттің үйлену тойы жұртты ашуландырды (видео)