"Антонио өмірімді өзгертті": Ерке Есмахан тағдырдың тосын сыйларына тәнті болды
Ерке Есмахан өмірдің тосын сыйларына тәнті болды, деп хабарлайды Stan.kz ақпарат агенттігі.
Танымал әнші Ерке Есмахан әлеуметтік желідегі парақшасында жазба қалдырып, өмірінің қаншалықты өзгергенін айтып мақтанған. Ішкі үйлесімділігінің арқасында ойда жоқ тосын сыйларға тап болған ол, таңқалысын жасыра алмады. Ол әлдебір Антонионың өз өмірін өзгерткенін жазған.
"Біраздан бері өз-өзіммен гармонияда жүрмін! Өмірдің маған әзірлеген жағымды тосын сыйлары таусылар емес! Шүкір! Жүрек, ми, ой, ішкі дүнием тып-тыныш, тап-таза! Сөзбен айтып жеткізе алмайтын сезім! Тфу-тфу деп қояйын! Мендегі басты проблема - өз-өзіммен келісімге келу, ақыл мен жүректі, миды тең ұстау. Сол ішкі әлемімнің кілтін тапқан сияқтымын! Антонио өмірімді өзгертті десем!" - деп жазды Ерке Есмахан.
Мұны көрген желідегі жұрт Ерке Есмаханның жасырын махаббатын іздеуге кірісіп кеткен. Олар әншіге сұрақ қойып, пікір білдіріп, тіпті жасырын жігіті кім болуы мүмкін екеніне болжам жасаған.
"Антонио тағы бір ханшайымды алдап жүрген болар", "Бізге де сондай бір Антонио керек болып тұр", "Өмірде не керек екенін енді түсінген сияқтысыз", "Жақында тұрмысқа шығасыз ғой деймін", "Бұл сезімді бақыт дейді", - деп пікір білдірді желідегі жұрт.