"Қатты қорықтым. Жүктімін деп алдадым". Әнші Уатхан Заханқызы зорлық әрекетінің құрбаны бола жаздағаны туралы

Жақында дәстүрлі ән мен эстрада сахнасында танымал әнші Уатхан Заханқызына Алматыда белгісіз ер адам шабуыл жасап, ұзақ уақыт көлігінде жібермей ұстағандығы белгілі болды. Өмір мен өлім арасында арпалысып, жәбір көрген әнші қиын жағдайда барынша жинақы, сабырлы болуға тырысқан. Осы жағдай өміріне қаншалықты әсер еткенін, қыз-келіншектерге мұндай қауіпті жағдайда қалай әрекет ету керек екенін әнші Stan.kz тілшісіне анықтап айтып берді. 

“Әнші болғандықтан көп іс-шараларға қатысамын. 11 қаңтардан 12 қаңтарға қараған түні осындай шаралардың бірінен ойда ештеңе жоқ қайтып бара жатқанмын. Жалпы күндіз-түні көлікті іштен бекітпей жүре беремін. Көлігімді қыздырып жатқан кезде бейтаныс адам артқы есіктен кіріп келіп, қолындағы қаруын кезеді”, - деп еске алады әнші қорқыныш ұялатқан кешті.

- Бұл жағдай өміріңізге қаншалықты әсер етті?

- Жүйкем сыр берді деуге болады. Осы жағдайды еске алып, айтқан сайын сол сәттерге қайта орала берген сайын қиналамын. Қиын. Еске түсіру қиын. Ұйықтауым да қиын болып жүр. Бойымда әлі де үрейдің ізі бар. Қазақшылыққа салынып, мешітке барып, ұшықталып, құран оқытып жатырмын. Алайда басымнан өткен жағдай менімен бірге өмір бойы қалатындай. Осы жағдайдан кейін жұмысқа да бармай жүргенмін. 

- «Не молчи KZ» қорына қалай шықтыңыз, көмегі тиді ме?

- Бұл қор туралы мүлдем естімегем. Құрбым осы қордың байланыс нөмірлерін беріп, осы мәселені көп адам білуге тиіс екенін айтып дабыл қақты. Әрине, көп адам болғандықтан түрлі пікір де бар екені белгілі. Күнде қарап түрлі пікір оқып отырмын. Шынымды айтсам, өлім мен өмірдің арасында арпалыстым. Ал енді кейбіреулер мұны хайп деп, “Мұндай нәрсені жазуға ұялмайсың ба" деген сынды жазбалар мен пікірлер қалдырып жатты. 

 


- Осы жағдайды пиар деп есептеп, пікір білдіргендерге көзқарасыңыз қандай?
- Осындай сөздерді айтатын адам қандай болуы керек? Күнделікті өмірде біреудің қайғы, қиын жағдайына “Арты жақсы болсын” деп айтып жатамыз. Мұндай сөздерді айтатын адамдар жақсылықты түсінбейтін, өмірде жолы болмағандар деп есептеймін. Бір қызығы, Facebook-ке жарияланған пікірім әлдеқайда көп қолдаушы тапты. Меніңше, мұнда адамдардың контингенті басқа, психологиясы мен ой-өрісі өзгеше. Постыма ешкім "Сен ертегі жазып отырсың, Уатхан" деп бетіме басқан емес. Бәрі бірауыздан хабарласып, пікір қалдырып қолдау көрсетті. 

Ал Instagram-да адамға жанышырлығы жоқ, өз болмысын жасырған адамдар отырып, пікір қалдырады. 

- Қыз-келіншек, әйелдерге қандай кеңес бересіз? Жалпы адам тонағанда қалай әрекет ету керек?

- Біріншіден, қыздарға айтарым өте сақ болу керек. Біз өте қорқынышты қоғамда өмір сүріп жатыр екенбіз, алайда басыма тимегенше мен мұны түсінбеппін. Осындай жағдайлар жайлы естіп, оқығанда менің басымнан өтпейтіндей едім. 

Екіншіден, қауіпсіздік шараларын сақтау керек. Жан-жағыңа мұқият қарап, есік-терезелерді жауып, кілттеп жүру. Үшіншіден, осындай жағдай орын алса агрессия көрсетпеу керек. “Сен кімсің? Сенің быт-шытыңды шығарам” деген сияқты қоқан-лоққыға бармаңыз. 

Барынша оны тыңдап, сеніміне кіру керек. Әңгімесінің негізгі мағынасына үңілу арқылы өміріңізді сақтап қала аласыз. Мен қылмыскерді 4 сағатқа жуық уақыт бойы көңілін тауып алдағанымның есебінен ол бетпердесін шешті. Осы кезде оның бет-әлпетін, жүзін барынша жаттап, есіме сақтап алуға тырыстым. Тіпті соңына қарай жолаушы салонына отырып, менімен қоштасқысы келмейтінін айтты.

Арамызда орнаған ұзақ диалогтың нәтижесінде полицияға берген мәлімдемемде оның қаланың тұрғыны болуы керек екенін айттым. Себебі қазақша да, орысша да таза сөйлейді және диалект сөздер қолданбайды. 

Бастапқыда ол менің сабырлылығыма таңқалып, ашуланғандай болды. Осы кезде “Сіздің жаман адам емес екеніңіз көрініп тұр ғой. Сізді кезінде түсінбеген, мен сізді түсінемін. Сіз маған екінші өмір сыйладыңыз” деген сынды маған аяушылық сезімін оятатын сөздерді айттым. Менің қасымда он минут көлемінде бетпердесін шешіп отырды. 

- Жүкті екеніңізді айтқаныңыз қылмыскерге қалай әсер етті?

- Қолымда жүзік болмаған соң бастапқыда сеніңкіремеді. Балаңның әкесі кім деп сұрай берді. Бірақ мен оған жалғыз қалғанымды айтып аяушылығын туғызғым келді. "Алданып қалдым, отбасылы адам болып шықты" деген сөзіме ол жанашырлық танытып, маған көмектескісі келетінін білдірді. 

Жалпы мұндай жағдайда сіз ол адамның кім екенін, қандай екенін білмейсіз. Ол адам шизофреник болуы мүмкін, агрессивті адам болып шығуы ғажап емес. 

- Уатхан ханым, сұхбатыңызға рақмет! Алдағы уақытта абай болыңыз, сақ болыңыз, өміріңіз бен шығармашылығыңызға сәттілік тілеймін!

Өткен оқиғадан кейін жүрегі шайылып қалған әнші қазір өзіне шабуылдаған айыпталушының тергеу изоляторына тоғытылғанын жеткізді. Осындай жағдайға тап болған әйелдерге бойжеткен алдымен қауіп төндірген адамды зерттеп, түсінуге тырысып, ақырын тамырын басып көруді ұсынды. Кез-келген қиын жағдайдан шығуға болатынына әншінің көзі жеткен. Ол болған жағдай туралы хайп жасау үшін емес, көпшілікке, қоғамға әсер еткісі келгендіктен жариялаған. 

 

Сұхбаттасқан Назерке Мұса

Талқылау
Пікір
Соңғы ЖАҢАЛЫҚТАР

Әлемдегі ең танымал мобильді қосымша анықталды

TikTok қосымшасының осы жылы ең көп жүктелгені анықталған

Ғалымдар тәтті сусындардың қауіптілігін анықтады

Сусындар ағзаның жұмысына кері әсерін тигізеді

Қатерлі ісік тудыратын танымал өнім жария етілді

Лома Линда денсаулық университетінің мамандары сүттің қаупі жайлы айтпы берді

Коронавирус тағы үш елде табылды

Ауруды Ираннан және Италиядан келген азаматтар жұқтырған

Гонконгта ит коронавирус жұқтырып алды

Гонконг билігі иттен коронавирус анықтады

Министр Тоқаевқа: Бірқатар ауылдарда жылдам интернет іске қосылады

Осы жылдың соңына дейін 250 ауылда интернет тартылады

Моңғолия президенті коронавирусқа байланысты карантинге жабылды

Бұған қоса бірқатар шенеуніктер карантинге жабылыпты

Ақтаудағы қайырымды қыз жұрт көңілін елжіретті (видео)

Қыз баланың әрекеті желі қолданушыларын шулатты

"Гарант 24" ломбардының шуы: Іске қатысты тағы бір қылмыскер ұсталды

Ол қала тұрғындарын 500 миллион теңгеге алдаған

Қостанай облысында бойжеткенді трактор қағып өлтірді (видео)

Қазір аталған жайт бойынша қылмыстық із қозғалған
Çàãðóçêà...