Әнші Тиматидың көлігі Петропавлдағы айып тұрақта 10 жылдан бері тұр
Қар астында қалған белгілі әншінің Audi көлігін петропавлдықтардың көпшілігі білетін көрінеді. Көліктің онда тот басып тұрғанына он жылдан асыпты. Бастапқы кезде спорттық Audi TT Coupe көлігі айыппыл тұрағының «жұлдызы» болыпты. Тіпті оны сатып алуға ниеттілер де көбейген,-деп жазды Еуразия арнасы.
Бұл көлікті 2005 жылы әншінің ауласынан белгісіз адам ұрлап алып кеткен. Машинасын таппаған Тимати полицияға да шағым түсірген. Тек бір жыл өткеннен кейін ғана көлік Петропавл қаласынан шыққан.
Тимур Юнусов яғни Тимати көлігінің Қазақстаннан табылғанын білген. Бірақ, содан бері алып кетуге асығатын емес. Көздің жауын алатын көлікті қолды еткендерді полиция ұстай алмаған. Әншіге әлі күнге бұл көліктің қожайыны болып саналғандықтан оны айып тұрағынан тек рэпердің өзі ғана ала алады.
Заң бойынша ұрланған көлік айып тұрағында тегін тұрады. Ал машинаның иесі анықталып, оған хабар жеткен жағдайда тұраққа төлеу керек болады. Қазір әнші 2009 жылдан бегі уақытты есептегенде тұраққа 500 000 теңге қарыз.
Оқи отырыңыздар:
Алматыда ескі көлікті 83 миллион теңгеге сатып жатыр (фото)
Алматы облысында автобуспен соқтығысқан көлік екіге бөлініп күл талқан болды