Анастасия Заворотнюк Испаниядағы теракті кезінде өмірімен қош айтыса жаздады (видео)
Испанияға қонаққа барған Ресейдің танымал актрисасы Анастасия Зоворотнюк теракт кезінде өмірімен қош айтыса жаздады. Актриса кеше түнде 13 адамның өмірін қиып, 100-ден аса адамды жаралаған аймақта болған екен.
Бұл туралы Анастасия желідегі парақшасында жазды, деп хабарлайды Stan.kz.
“Кептелісте тұрғанымызға үш сағат болды. Мына көліктер тіптен жылжымайды. Ал ойым әлі сол жақта. Өте ауыр сезім… Біз құрбым екеуміз теракт болған аймақта жүрдік, ол жерден қайғылы оқиғадан небәрі 10-15 минут бұрын кетіп қалғанбыз. Балконда 100 метр биіктікте отырып, төбемізде ұшып жатқан тікұшақтарға түсінбестікпен қарап отырдық. Тек мен үшін алаңдаған күйеуімнің қоңырауынан кейін есімді жидым! Ойға алудың өзі… Қаза болғандарға қараудың өзі қорқынышты! Не үшін?” – деп жазды есеңгіреп қалған актриса.
Еске сала кетейік, соңғы бір тәулікте Испанияда екі бірдей теракт орын алды. Оның алғашқысы ел астанасы Барселона орталығында болып, 13 адамды қыршынынан қиды. Ал таяуда Нұрсұлтан Назарбаев екі террорлық актіге байланысты испаниялықтарға көңіл айтты.
Оқи отырыңыз:
Барселонадағы қанды терактіге тап бола жаздаған қазақстандық оқиға туралы айтып берді
Алматыдағы көлік тұрағындағы төбелес: Жұдырығын ала жүгіргендер ұсталды
Қостанайлық азамат екі жыл бойы туған қызын зорлап келген
Түркияда автобус ішінде ұмыт қалып кеткен 3 жасар бала көз жұмды