Әйел 12 жылдан кейін күйеуіне туыс екенін білді
Америкалық тиктокер Марселла Хилл өзінің туысына тұрмысқа шыққанын кездейсоқ білген. Бұл туралы Stan.kz ақпарат агенттігі LadBible басылымына сілтеме жасап хабарлайды.
Фото: Марселла Хилл Instagram парақшасынан
Хилл күйеуімен туыстық қатынасы барын 12 жылдан кейін ғана білген. Ол жүкті кезінде баласына ата-әжелерінің бірінің есімін бермек болып, өзінің ата тегін зерттей бастайды. Хилл күйеуіне атасы мен әжесінің атын айтқан кезде жұбайы күтпеген жерден: ""Қызық. Біздің ата-әжелеріміздің есімдері бірдей",- деп таңғалған.
Мәселеге үңіле келе, Хиллдың атасы күйеуінің әжесінің немере ағасы екені анықталды.
"Содан кейін күйеуім әжесіне, ал мен атама қоңырау шалдым. Біз олардан бір-бірін тани ма екен деп сұрадық. Олар бір-бірін танитын болып шықты. Тіпті бала кезде бірге ойнап, өскен", - дейді ол.
Десе де ерлі-зайыптылар өздерінің алыс туыс екенін білген. Хилл мен оның күйеуі бір-біріне төртінші ұрпақтағы немере ағасы мен қарындасы болып келеді. Олар бұл жаңалықты жақсы қабылдап, тіпті тиімді жақтары да бар екенін айтып, әзілдеді. Ерлі-зайыпты енді туыстарының отырыстарына екеуі туыс ретінде бірге бара алатынын айтып отыр.
Ерлі-зайыпты қыздарына үлкен әжесі Мэри Джейн Доллар есімін берді.