Соңғы жаңалықтар

Америкалық актриса Сovid-19-дың шашқа әсерін көрсетті

COVID-19-дың ауыр түрімен ауырған америкалық актриса Алисса Милано аурудың салдары туралы айты берді, деп хабарлайды Stan.kz ақпарат агенттігі. 

Алисса Джейн Милано - әйгілі америкалық актриса және әнші. Фиб Холливеллдің "Сиқырлы" телехикаясындағы рөлімен танымал( 1998-2006 жылдары шыққан), ол сонымен бірге "Бұл жерде бастық кім?" және "Көңілдестер" ситкомдарында ойнаған.

Актриса өзінің Instagram-дағы аккаунтында коронавирустан кейін оның шашы қалай түсетінін көрсететін видео жариялады. 

"Сіздерге COVID-19 шаштарыңызға не істеп жатқанын көрсетуді қаладым. Мұны байыппен қабылдаңыз", - деп жазды Милано.

 
 
 
 
 
 
 
 
 
 
 
 
 
 
 

A post shared by Alyssa Milano (@milano_alyssa) on

Кейбір желі қолданушылары да осындай салдардан зардап шегетіндерін жазды.

"Менде де осындай шаш мәселесі бар, әртүрлі дәрумендерді қабылдаймын, бірақ ешқайсысы көмектеспейді", " Менің досым да солай! Ол да иіс және дәм сезімін жоғалтты, шаштары түсе бастады", "Менің шашым да солай болады. Шашымның шамамен 20 пайызын жоғалттым десем артық айтпаймын", - деп жазды оның жазылушылары.



Daily Mail көптеген клиникалар мен зерттеулер COVID-19 мен шаштың түсуі арасында байланысты анықтағанын жазды. Сарапшылардың айтуынша, COVID-19 жұқтырған пациенттерінің көпшілігі қатты физикалық немесе эмоционалды стресске, безгекке және қатты салмақ тастауға тап болады, бұл шаштың түсуіне әсер етеді. 

Индиана университетінің медицина мектебінің дәрігері Натали Ламберт Сovid-19-дың ауыр түрімен ауырған науқастар арасында сауалнама жүргізіп, 1500-ден астам науқастың 400-ден астамының шашы түскенін анықтады, деп жазды CBS News.

Бұған дейін АҚШ-тағы әртүрлі зерттеу орталықтарының ғалымдары коронавирус адам ағзасына әсер етеді деген қорытындыға келді, оның теріс салдары көптеген жылдар бойы әсер етуі мүмкін деп хабарлаған.

Талқылау
Пікір
Қазір оқып жатыр
Çàãðóçêà...
Қазір оқып жатыр