Алтайда оқушылар адамның бас сүйегін тауып алды

Оқушылар Алтайдың қалалық саябақтарынан адамның бас сүйегін тапты, деп хабарлайды Stan.kz ақпарат агенттігі. 

ШҚО полиция департаментіне кеше кешке "102" нөмірі бойынша кәмелетке толмағандар қоңырау шалған. Олар саябақта жүріп адам бас сүйегін көріп қалғандарын хабарлаған. Бұл туралы ақпаратты ШҚО полиция департаменті баспасөз қызметі айтты.

"Табылған бас сүйек мәйітханаға жіберілді. Одан әрі оны жерлеуге алып кетеді", - деп түсіндірді баспасөз қызметі өкілдері. Полицияда аталған саябақ аумағында зират орналасқанын атап өтті.