Алтай Көлгінов: Жыл сайын елордаға 50 мың адам көшіп келеді
Нұр-Сұлтан қаласының әкімі Алтай Көлгінов тұрғындар алдында есеп беру кездесуін өткізді.
«Бүгінгі кездесу Қазақстан Республикасы президентінің жарлығына сәйкес жылына бір рет өткізіліп отырады. Мұндай есеп беру кездесулері әр ауданда өтті. Мен өзім төрт аудан әкімдерінің есеп беру кездесулеріне қатыстым. Көптеген сұрақтар қойылды. Мемлекет басшысы тыңдау күйі тұжырымдамасын қойғанын білесіз. Бұл сізді бүгінде не мазалайтынын есту және проблемалар бойынша бірлесіп жұмыс істеу үшін. Біз Үкіметтің қолдауымен, орталық мемлекеттік органдармен бірге өмірімізді жақсарту және қаламыздың гүлденуі үшін бірлесіп жұмыс істейміз», - деді кездесу барысында Алтай Көлгінов.
Әкім қаланың күн сайын дамып келе жатқанына тоқталды. Ол сонымен бірге биыл елордамыз 22 жасқа толатынын еске салды.
«Қарап отырсақ, қала жаңа дамып келе жатқан бастапқы жылдары халық саны 400 мың адам болса, қазір 1 миллион 200 мың болды. Халық саны артып келеді. Егер осы кезеңдерде (2000 ж.) 4,5 мың бала дүниеге келсе, қазіргі уақытта 25 мың туылды. Бұл жақсы динамика. Балалардың дүниеге келуі, отбасылардың кеңеюі бізге жақсы. Ішкі көші-қон да бар. Жыл сайын елордаға 50 мыңнан астам адам қоныс аударады, осыған байланысты олардың саны да артып келеді», - деді қала әкімі.
«Егер 2000 жылы елорданың ауданы 300 мың шаршы метр болса, қазір ол үш есеге артты. Қала өсуде, бізге көпір салу, инфрақұрылым салу, балабақшалар, мектептер салу қажет», - деді әкім.
