Алматыда локдаун енгізіле ме: Бекшин жауап берді

Алматы қаласының бас санитарлық дәрігері Жандарбек Бекшин қаланың жабылуына қатысты пікір білдірді, деп хабарлайды Stan.kz ақпарат агенттігі. 

Жандарбек Бекшин қаланың жабылуына қатысты пікір білдірді. Ол қазіргі таңда медициналық төсек орындар бос екенін айтты. Егер медицинаның қауқары жетпейтін болса, қаланы жабу мәселесі қозғалмақ. 

"Әрине, қазіргі ахуал күрделі. Бірақ қыстан бері жасаған дайындығымыз қазіргі жағдайдан өтуге мүмкіндік беріп отыр. Бүгінде 7 011 төсек-орын бар. Бос төсек-орын саны 44,9 пайыз. Жансақтау бөліміндегі төсек-орындардың 62 пайызы бос. Сондықтан жағдай Қоғамдық денсаулық сақтау ұйымының бақылауында, мәселе күнделікті бақылауда. Алаңдататын проблема жоқ. Себебі бәрі ауруханаға дер кезінде жатқызылып жатыр. Олардың саны 250-270 шамасында, 500-ге жеткен жоқ. Сондықтан қазіргі таңда локдаун, қаланы жабу деген әңгіме қозғалған жоқ", - деді Бекшин. 

Алматы қаласына арналған 2021 жылдың оразасы кестесі