Ең сорақысы, қақпанға түскендердің арасында мектеп жасындағы балалар көп. Бұның алдын алу үшін бірінші кезекте жарнаманың көзін жою керек деген белсенділер қала тұрғындарын бірлесіп күресуге шақырып отыр.

Сайт арқылы сауда жасап, астыртын әрекетке баратын есірткі сатушылар ашық шабуылға шықты. Олар еліміздегі ірі қалаларда синтетикалық өнімдерін өткізудің жаңа түріне көшкен.

Бұндай жазбалаларды қаланың кез-келген бұрышынан кездестіруге болады. Бір қарағанда қарапайым жарнама деп ойларсыз. Бірақ олай емес. Бұл есірткі саудалаушылардың мекен-жайы. Оларға біз де хабарласып, интернет арқылы синтетикалық спайсқа тапсырыс берген едік. Бірақ таусылып кетті деген жауап алдық.

Адам көп жүретін жерлерді шимайлап кеткен арам пиғылдылардың саудасы қызып тұрғанын аңғару қиын емес. Есіңді екеу ететін есірткінің бір грамы да қалмаған. Бағасы 10-15 мыңнан басталатын елірткіш затты түске дейін-ақ талап әкетіпті. Есесіне есірткіден емделетін орталықтарда орын жоқ.

«Соңғы кездері синтетикалық спайстан зардап шеккендердің қатары өте көбейіп кетті. Мектеп оқушылары түсіп жатыр. Қытайлар құрамы күрделі небір түрін шығаруда. Одан емделу қиын. Ұзақ уақыт керек. Спайсты қолданған адам жындыханадан бір-ақ шығады»,-дейді психиатр-нарколог Андрей Соболев.

Бұл спайстың есірткіден әсері 5 есе күшті. Оны қолданған адам ақыл-есінен адасып, іс-әрекетіне жауап бере алмай қалады. Ал мұндай жағдайды болдырмау үшін ашық жарнамаға жол бермеу керек деген белсенділер есірген есірткі сатушылармен өздігінше күресті бастап кетті.

«Мен осындай жазбалардың өте көп жерде бар екенін байқадым. Кейін тексеріп көрдім. Синтетикалық есірткі сатады екен.

Бірден бұларды өшіріп, құрту туралы ойға келдім. Шамамыз келгенше хабарландыруларды боядық. Бірақ қоғам болып күреспесек бұларды жеңу қиын»,-дейді қоғамдық қордың директоры Ольга Арапова.

Белсенділердің жанайқайы биліктегілердің де құлағына жетті. Олар біз де әрекетсіз емеспіз дейді.

«Қазіргі уақытта Алматы қаласында орналасқан үйлердің қабырғаларындағы жазбаларды жазуға қатысы бар адамдарды анықтау бойынша қажетті барлық іс-шаралар жүргізілуде. Көрсетілген интернет-ресурсқа қол жеткізу бұғатталды.

Есірткі заттарын сату туралы жарнамаларды көрген азаматтардан оларды суретке түсіруіп алуын және полицияға хабарлауын сұраймыз»,-дейді ҚР ІІМ ресми өкілі Алмас Сәдубаев.

Есірткі сатушыларды қолға түсіру қиын. Ғаламтор арқылы тапсырыс алып отырғандардың басшылары шетелде болуы да мүмкін. Ал қабырғаға есірткінің жарнамасын шимайлап, синтетикалық спайстардың саудасын қыздырып тұрғандардың ісімен енді құзырлы орган айналысады. Ұсталғандарың жазасы жеңіл болмасы анық.

Оқи отырыңыз:

Келіншек 7 жылдан кейін күйеуінің басын қалай “айналдырып” алғанын айтып берді

Қазақстандық бақытты жұп отбасылық қиындықтарын қалай шешетіндерін айтты

Бойжеткен сөйлесе бастаған жігіттерінің бірден басқаға үйленіп кете беретініне алаңдаулы

19 жастағы бойжеткен: Күйеуіме түнде ғана керекпін

Талқылау