Жомарт жандар олардың жоқ-жітігін түгендеп берген. Көпбалалы отбасы бүгін де ескерусіз қалмады. Таңертеңнен бір топ адам олардың жалдамалы үйіне барып, мерекемен құттықтады.

Бұл отбасының қиын жағдайы қайырымды жандарды елең еткізбей қоймаған. Жұрт олар туралы білгеннен-ақ, қолдан келер көмегін арқалап осында ағылыпты.Өткен аптада басын көтере алмай жатқан үйдің ең кішкентайы бүгін ерекше көңілді. Бүлдіршін жаңа ойыншықтарымен ойнап әлек. Жұрт әкелген дәрі-дәрмектің арқасында денсаулығы да тәуір болған. Балаларының шынайы күлкісіне қарап, Гүлжәмила да дән риза.

“Жағдайдың бәрін жасап берді. Халқыма рахмет шексіз. Иіліп сәлем беремін, рахмет сіздерге”, – дейді көпбалалы ана Гүлжәмила Ботабаева.

Қөпбалалы отбасы отағасынан айырылғалы бір үзім нанға да зар болып қалған еді. Ал қазір қайырымды адамдардың арқасында үйдегі тоңазытқыш тамаққа толы.

Ең бастысы, 4 баланың да, аналарының да көңілдері тоқ. Айтуларынша, халықтың мейірімділігінде шек жоқ. Себебі, мұқтаж отбасыға қол ұшын беремін деушілер еліміздің әр өңірінен табылған. Бірі су жаңа тұрмыстық техника әкелсе, енді бірі тонналап көмір түсіріп беріпті. Балалар киім-кешекті де енді таңдап киетін болған. Ал бір етікті алма-кезек киіп келген Жұлдыз бен Еңліктің қазір жеке-жеке аяқ киімдері бар.

Ішер асы мен киер киімі түгенделген отбасының енді бір ғана арманы бар. Ол – өз үйлерінің болуы. Оның да ауылы алыс емес секілді. Жергілікті шенеуніктер де отбасыны әдейі іздеп келіп, келер жылы баспана кілтін табыстаймыз деп уәде етіп кеткен. Ал жұрттан мейірім көрген әйелдің алғыстан басқа айтары жоқ.

Оқи отырыңыз:

Атыс кезінде жараланып, төсекке таңылған полицейге медаль берілді

Букмекерлік кеңседен ірі ұтысын ала алмаған алматылық жігіт Рамзан Қадыровтан көмек сұрады

Теміртауда ер адам 16 жастағы қызды қаңырап қалған ғимаратқа апарып зорлап тастаған

Қазақстанда жаман жолмен ақша табатын интернет-дүкендер белгілі болды

Талқылау