Алматы қалалық сотының қылмыстық істер жөніндегі сот алқасы адвокат Мүсілім Малдыбаевтың үкімін өзгеріссіз қалдырды. Бірінші инстанция соты оны алаяқтық жасағаны үшін кінәлі деп танып, бес жылға бас бостандығынан айыру жазасына кесіп, сотталушыдан жәбірленушінің пайдасына 67 миллион теңге өндіру туралы шешім шығарды. Іс бойынша жәбірленуші – Алматы қаласы мен Алматы облысының экс-әкімі 78 жастағы Шалбай Құлмаханов.

Мүсілім Малдыбаев Алматы заң кеңесшілері палатасының заңгері болған. 2021 жылы Құлмахановтар отбасына тиесілі "Мекен Сервис" ЖШС-мен заң қызметін көрсету туралы шарт жасасқан. Ол сотта Құлмановтың мүддесін Іле-Алатау мемлекеттік ұлттық паркімен, сондай-ақ "Эйр Астана" әуе компаниясының шағымдарына қарсы қорғауы керек еді. Экс-әкім мен адвокат екі сотта да жеңіліс тапты.

Мүсілім Малдыбаев Шалбай Құлмахановқа ақша берсе, жоғарғы сотта соттың шешіміне таныс арқылы шағымдануға болатынын айтқан. Құлманов бұл ұсынысты қабылдаған.

"Креслоның өзі 5 миллион теңге": Экс-әкім Даниал Ахметовтың резиденциясы қандай екені көрсетілді

"Малдыбаев Құлмахановты алдап, жоғарғы сотта таныстары барын, оң шешім шығаруға әсер етуге болатынын айтқан. Осылайша ол Құлмахановтан 150 000 АҚШ доллары көлемінде сыйақы сұраған. Малдыбаевтың қылмыстық ниетінен күдіктенбеген ол алданып, жоғарыда аталған соманы Малдыбаевқа беруге келіскен", – делінген іс материалдарында.

2022 жылдың 26 сәуірінде кәсіпкер адвокатқа 10 000 доллар, 2022 жылдың 29 қыркүйегінде тағы 140 000 доллар берді. Екі жағдайда да адвокат қолхат жазған, бірақ соңғы қолхатта ғана сот шешімдеріне қарсылық білдіре алмаса, ақшаны қайтаруға уәде бергенін көрсеткен.

Адвокаттың әрекеті алаяқтық ретінде сараланды.

Сотта Мүсілім Малдыбаев өзіне тағылған айыпты мойындамай, заңгерлік қызметі үшін қосымша ақы ретінде 150 мың долларды алғанын айтты. Оның айтуынша, 2022 жылдың қазан айының басында ол ақшаның бір бөлігін Құлмахановқа қайтарып берген. Қалған соманы 2023 жылдың 1 наурызында қайтару керек еді, бірақ қайтарылмады. Ол Құлмахановқа барлығы 100 мың доллар ғана қарыз екенін алға тартты.

2024 жылдың 27 наурызында Алматының Алмалы аудандық соты Мүсілім Малдыбаевты алаяқтық үшін кінәлі деп тауып, бес жылға бас бостандығынан айырды.

"М.Ш.Малдыбаевтың Қылмыстық кодекстің “Алаяқтық – бөтеннің мүлкін алдау және сенімін асыра пайдалану арқылы аса ірі мөлшерде ұрлау” бабы бойынша кінәлі деп табылды. Сотқа дейінгі тергеп-тексеру органы М.Ш-ның қылмыстық жауаптылығы мен жазасын жеңілдететін мән-жайларды анықтады”, – делінген сот үкімінде.

Құлмахановтың Малдыбаевқа 67 миллион теңге көлеміндегі материалдық шығынды өтеу туралы азаматтық талап арызы қанағаттандырылды.

Алматы қалалық сотының қылмыстық істер жөніндегі сот алқасы үкімді өзгеріссіз қалдырды.

Еске салсақ, осыған дейін Қарағандыда бұрынғы әкімнің ұлы 78 жастағы анасын соққыға жықты деп айыпталған еді.

Талқылау