Алматыда ерлі-зайыптыға оқ жаудырған қарақшы 16 жылға сотталды
Фото: Видеодан скрин
Алматыда ерлі-зайыптыны жаралаған ер адамға сот үкімі шықты. Ол 16 жылға сотталды. Бұл туралы Stan.kz ақпарат агенттігі КТК арнасына сілтеме жасап хабарлайды.
Жарты жыл бұрын ер адам өзін электрші ретінде таныстырып, біреудің пәтеріне кіріп, тұрғындарға бірнеше рет жауынгерлік тапаншадан оқ атқан. Қарақшы 16 жылға түрмеге сотталды.
Сотталушы 38 жастағы Жетісу өңірінің тумасы болып шықты.
Тергеу барысында белгілі болғандай, шабуылдан біраз уақыт бұрын ол пәтерге жаңа жиһаз орнатып жүріп, сейфті байқап қалған. Сол сәтте ол ұрлық жасау туралы жоспар құрады. Қаруланған қаскөй бет-жүзін медициналық маска мен шарфпен жауып, өзін электрші ретінде таныстырып, элиталық тұрғын үй кешеніне еш кедергісіз кірген. Кейін пәтердің қоңырауын соғып, әйел есікті ашқанда алдымен оған, кейін айқайға жүгіріп шыққан күйеуіне оқ жаудырған. Ерлі-зайыпты оқ жарақатымен ауруханаға жеткізілген еді.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды