Алматылық оқушылар 13-14 желтоқсан күндері қашықтан оқиды

Алматыда аязға байланысты 0,1-9 сынып оқушылары қашықтықтан оқыту форматына көшірілді. Бұл туралы Stan.kz ақпарат агенттігі хабарлайды.

Фото: citycenter.jo

Қазгидромет 13-14 желтоқсан күні қолайсыз ауа райы күтілетінін хабарлады.

13 желтоқсан – түнде қатты аяз 23-25 ​​градус, ал 14 желтоқсан – түнде қатты аяз 25-27 градусқа дейін төмендейді.

Осыған орай, Алматы қалалық білім басқармасы 13-14 желтоқсанда 0,1-9 сынып оқушылары қашықтықтан оқытуды қамтамасыз ету талаптары мен ережелеріне сәйкес қашықтықтан оқыту форматына ауысатынын хабарлады.