Алматыдағы ең сұранысқа ие мамандықтар белгілі болды

Алматының халықты жұмыспен қамту орталығының директоры Диляра Иманқұлова қаладағы ең сұранысқа ие мамандықтарды атады. Бұл туралы Stan.kz ақпарат агенттігі хабарлайды.

"Жұмыспен қамту және жаппай кәсіпкерлікті дамытудың қолданыстағы "Еңбек" мемлекеттік бағдарламасы халықтың барлық санаттарын жұмысқа орналастыруды арттыру шараларын қамтиды. Ең алдымен, бұл тұрақты жұмыс орындарына, уақытша жұмыс орындарына жұмысқа орналастыру, бизнес идеяларды қолдау үшін мемлекеттік гранттар бөлу, микрокредиттер, кәсіптік оқыту курстарында оқыту. Тұрақты жұмыс орындарына жұмысқа орналасуға қатысты. Нұр-Сұлтан сияқты Алматы да бос орындар саны бойынша көш бастап тұр. Келіп түскен бос жұмыс орындарын талдау бүгінгі күні жұмысшы персонал сұранысқа ие екендігін көрсетті. Олар: темір-бетон құрылымдарын құрастырушы, дәнекерлеуші, электриктер, жүргізушілер, жүк тиеушілер, аула тазалаушылар, газбен дәнекерлеуші, қызмет көрсету саласының мамандары, медицина қызметкерлері", - деді Диляра Иманқұлова.

Оның айтуынша, жұмыссыздар мен жұмыс берушілер арасында әлеуметтік жұмыс орындары танымал. 

"Жыл басынан бері 695 адам әлеуметтік жұмыс орындарында жұмыс істеп жатыр. Бұл ретте мемлекет ең төменгі жалақыны (42500 теңге) төлейді, ал жұмыс беруші өз тарапынан қосымша ақы белгілейді. Кейде оның мөлшері 70-90 мың теңгені құрайды. Үкіметтік емес ұйымдарда жұмыс істейтін мүгедектер үшін әкімдік ең төменгі жалақының 1,5 еселенген мөлшерінде (63 350 теңге) жалақы белгілеу туралы шешім қабылдады. Қазіргі уақытта әлеуметтік жұмыс орындарында 695 адам жұмыс істейді, олардың 456-сы мүгедек", - деді Алматының халықты жұмыспен қамту орталығының директоры.

Талқылау
Пікір
Қазір оқып жатыр
Çàãðóçêà...
Қазір оқып жатыр