Алматыда жылумен қамту тарифі төмендетілді
Алматыда қала тұрғындарын жылумен қамту тарифі үш пайызға төмендеді. Мұндай шешім көрсетілетін қызметтер көлемінің өсуіне байланысты қабылданды. Төмендетілген тариф 2021 жылдың 1 ақпанынан бастап күшіне енеді, деп хабарлайды Stan.kz ақпарат агенттігі табиғи монополияларды реттеу комитетінің Алматы қаласы бойынша департаментіне сілтеме жасай отырып.
Алматыда жылумен қамту тарифін төмендету есебінен халық үшін үнем 552 миллион теңгені құрайды.
"2020 жылдың фактісі бойынша көрсетілетін қызметтер көлемінің өсуіне байланысты табиғи монополияларды реттеу комитетінің Алматы қаласы бойынша департаменті қала тұрғындарын жылумен қамту тарифін үш пайызға төмендетті. Төмендетілген тариф 2021 жылдың 1 ақпанынан бастап қолданылады. Жоғарыда көрсетілген көрсеткіштерге қол жеткізу үшін халықтың жүктемесін бюджеттік ұйымдарға қайта бөлу фактісі қосымша ықпал етті", - делінген хабарламада.
Бұған дейін 2021 жылдың 1 қаңтарынан бастап жылумен жабдықтауға арналған тарифтің жоспарлы 14 пайызға өсуі күтілгені белгілі болды. Алайда, Алматы бойынша ТМРА энергия көздеріндегі тарифтің төмендеуіне байланысты халық үшін тарифтің өсуіне жол бермеді.