Алматыда жер сілкінісінен кейін такси бағасы аспандап, 10 балдық кептеліс пайда болды
Алматыда бүгін сағат 11:22-де болған жер сілкінісінен кейін қаладағы такси бағасы күрт өсіп, 10 балдық көлік кептелісі тіркелді. Бұл туралы Stan.kz ақпарат агенттігі хабарлайды.
Фото:pixabay.com
Жер асты дүмпуінен кейін такси жүргізушілері қысқа қашықтың өзіне бағаны көтеріп жіберді. Мысалы, Медеу ауданынан Әуезов ауданына дейін такси бағасы 3900-8700 теңгені көрсетіп тұр. Ал қаланың жоғарғы жағынан төмен жағына қарай жету үшін 4700-7560 теңге төлеуге тура келеді. Ал мекен жайыңыз Алматының сыртында болса, такси жүргізушілері қызметі үшін 12 830-22 440 теңге сұрайды.
Шаһардағы жанармай құю бекеттерінің маңында және қала ішінде көліктер кептеліп тұр. 2gis электронды анықтамалығындағы мәлімет бойынша, Алматыда сағат 21:49-де кептеліс деңгейі 10 балға жетті. Қала халқы діттеген жеріне жете алмай әлек.
Айта кетейік, бұған дейін Алматыда тағы да қуатты жер сілкінісі тіркелген.
Талқылау
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн