Алматыда жер сілкінісі болды

Қазақстан сейсмикалық станциялар желісі Алматының жанында сағат таңғы 7:13-те жер сілкінісін тіркеді, деп хабарлайды Stan.kz ақпарат агенттігі. 

Жер сілкінісінің эпицентрі Алматыдан оңтүстікке қарай 95 шақырым жерде, Қырғызстан аумағында орналасқан. Жер сілкінісін сезгені туралы мәліметтер (МЗК-64 шкаласы бойынша) жоқ. Алайда кейбір алматылықтар жер асты дүмпулерін сезінгендерін мәлімдеді.

Жер сілкінісінің энергетикалық класы - 10.7. MPV магнитудасы - 4.9.
Эпицентрдің координаттары солтүстік ендік бойынша 42.73 градус және шығыс бойлықта 77.89. Тереңдігі 5 шақырым.