Алматыда тәркіленген есірткіні қайта сатты деп күдікпен полиция қызметкері ұсталды
Алматыда тәркіленген есірткіні полиция қызметкері қайта сатқан. Бұл туралы Stan.kz ақпарат агенттігі KazTag сайтына сілтеме жасап хабарлайды.
Алматы облысында ұйымдасқан қылмысқа қарсы күрес басқармасының аға жедел уәкілі есірткіні қайта сатты деп күдікпен ұсталды.
"2 қарашада Ұлттық қауіпсіздік комитеті есірткі айналымы бойынша Алматы облысы ПД-мен бірлесіп, аға жедел уәкілді ұстады", – деп хабарлады ПД.
Осы факт бойынша ҚК 297-бабының 3-бөлігі “Есірткі, психотроптық заттарды, олардың аналогтарын өткізу мақсатында заңсыз дайындау, өңдеу, сатып алу, сақтау, тасымалдау, жөнелту немесе өткізу” бойынша сотқа дейінгі тергеп-тексеру басталды.
Талқылау