Соңғы жаңалықтар
Соңғы жаңалықтар

Алматыда Рамазан айында мешіттерде жамағатпен тарауық намазы оқылмайды

Алматыда пандемияға баланысты Рамазан айында тарауық намазы мешіттерде жамағатпен оқылмайтын болды, деп хабарлайды Stan.kz ақпарат агенттігі. 

Бұл туралы онлайн брифинг барысында қаланың бас имамы Еркінбек Шоқай мәлімдеді. 

"Алғашқы тарауық намазы бүгін оқылады. Биыл да қаламыздағы эпидахуалдың күшеюіне байланысты мешіттерде жамағатпен тарауық намазы оқылмайды", - деді қаланың бас имамы Еркінбек Шоқай.

Имам, әр адам тарауық намазын өз шаңырағында отбасы мүшелерімен оқуына кеңес берді.

Еске салсақ, 2021 жылдың қасиетті Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн - қасиетті Қадір түні. 13 мамыр - Ораза айттың бірінші күні.

Алматы қаласы бойынша намаз оқу, ауыз бекіту және ауыз ашу уақыты көрсетілген 2021 жылға арналған ораза кестесін ұсынамыз.

Талқылау