Алматыда LRT желісін 2040 жылға дейін жоспарланып отыр

22.12.25 / 15:54

Алматыда LRT желісін 2040 жылға дейін салу тағы да жоспарланып отыр Фото: Facebook.com/bbazarbek

Алматыда 2040 жылға дейін қаланың Бас жоспарына түзетулер дайындалды. Өзгерістер туралы мәжіліс депутаты Бақытжан Базарбек баяндады. Бұл туралы Stan.kz ақпарат агенттігі хабарлайды.

Бақытжан Базарбек әріптестері Ирина Смирнова мен Ерлан Стамбековпен бірге Алматы әкімдігі әзірлеген 2040 жылға дейінгі қаланың Бас жоспарын түзету жобасымен танысқанын айтты.

“Қала үшін маңызды құжаттағы түзетулерге Құрылыс кодексі жобасындағы өзгерістер енгізілді. Олар Алматы қаласындағы сел және топырақ көшкіні қауіпі бар аймақтарда жаңа құрылысты тоқтатуды, сондай-ақ мегаполистегі сейсмикалық қауіпті аймақтар мен тектоникалық үзілістерде құрылысқа шектеу қоюды қамтиды”, – деді мәжіліс депутаты.

Көлік инфрақұрылымын дамыту бойынша әкімдік мегаполисте LRT салу ұсынысына қайта қарап жатыр.

“Бас жоспарды іске асыру аясында қоғамдық көлікке басымдық берілген біртұтас көпдеңгейлі көлік жүйесін дамыту бағыты таңдалды. Жоба бойынша Абай даңғылынан халықаралық әуежайға дейін метроның жаңа тармақтарын жүргізу, қаланың тығыз қоныстанған төменгі аудандарында LRT салу, метро, LRT, BRT және қалалық маң маршрутарын біріктіретін көлік-қозғалыс тораптарын іске қосу қарастырылған. Бұл қала мен агломерация арасындағы тұрақты байланыс орнатуға мүмкіндік береді”, — деді Бақытжан Базарбек.

Депутаттың Facebook парақшасында жариялаған картаға қарағанда, LRT желісінің бірінші кезегі Төле би мен Абылай хан көшелері арқылы өтіп, қаланың батыс бөлігін және Алматы-2 теміржол вокзалын біріктіруі ықтимал.

Бұған дейін Алматыда BRT-ның жаңа желісінде жол қозғалысының сақталуын бақылау күшейтілгені туралы жазған едік.

Өмір айнасы