Алматыда құтқарушылардың жалақысы басқа қажеттіліктерге жұмсалған
Алматыдағы құтқарушылардың жалақысы басқа қажеттіліктерге жұмсалды деген ақпарат пайда болды. Құтқарушыларға төлемдердің жұрыс берілмеуін тексеру үшін арнайы комиссия құрылды. Бұл туралы Алматы қаласының әкімі Бақытжан Сағынтаев халықпен есеп беру кездесуінде айтты, деп хабарлайды Stan.kz ақпарат агенттігі.
Алматыдағы құтқарушылардың жалақысыз қалу фактісі туралы қала әкіміне сұрақ қойылды. Құтқарушылар жыл басынан бері жалақысыз жүргені айтылды.
Бақытжан Сағынтаев мұндай жағдайдың орын алғанын және құтқарушылардың жалақысыз қалғанын білмегенін жеткізді.
"Олар ақшамен толық қамтамасыз етілді, жалақылары табысталды. Басшылар жалақыны көтеруі керек болған. Біз қаржы бөлгенбіз. Бірақ ол басқа мақсатқа бөлінді. Дегенмен, басшылық ақша жеткіліксіз екенін айтып, қаржыландыруды ұлғайту туралы қосымша өтініш жазуы керек еді", - деді әкім.
Бұл жағдай белгілі болғаннан кейін құтқарушыларға желтоқсан мен қаңтар айларында жұмыс істеген күндері үшін жалақылары төленді. Не болғанын тексеру үшін комиссия құрылды.
"Комиссия жұмысын аяқтаған кезде, барлығы белгілі болады. Біз болашақта мұндай жағдайларды болдырмау үшін шараларды қабылдаймыз. Бұл дұрыс емес", - деп қорытындылады Алматы әкімі.