Алматыда қоғамдық көліктердің жұмыс уақыты шектелді

Бейсенбіден бастап Алматыда қоғамдық көліктер жаңа қысқартылған кесте бойынша жұмыс істейді, деп хабарлайды  Stan.kz ақпарат агенттігі денсаулық сақтау министрлігінің тауарлар мен қызметтердің сапасы мен қауіпсіздігін бақылау комитетіне сілтеме жасап.

"26 наурыздан бастап Алматыдағы қоғамдық көлік пен метро 6:00 - ден 19:00-ге дейін жұмыс істейтін болады", - делінген хабарламада.

Естеріңізге сала кетейік, 22 наурыздан бастап Алматы Нұр-сұлтан сияқты карантинге жабылды: қаладан келуге және шығуға тыйым салынған. 

Бұл ретте елімізде коронавирусты жұқтырғандар саны 88 адамға жетті.