Алматыда қатты желден ағаштар құлап, бірнеше аудан жарықсыз қалды
Алматыда қатты желдің салдарынан бірнеше аудан жарықсыз қалды. Бұл туралы Stan.kz ақпарат агенттігі хабарлайды.
"Алатау жарық компаниясы" АҚ-ның мәліметінше, қатты желден кейбір аудандарда ағаштар құлап, электр тарату желілері зақымданған.
"Жамақаев, Шукшин, Гагарин, Жароков, Әуезов, Жамбыл, Төле би, Шолохов, Сейфулин көшелері электр қуатынан ажыратылды", – делінген хабарламада.
"Алатау Жарық компаниясы" АҚ сайтында жарықсыз қалған аумақтардың картасы жарияланды. Электр қуаты екі сағат ішінде қалпына келтіріледі деп күтілуде.
Талқылау