Алматыда ер адамды видеосын желіге жариялаймын деп бопсалаған блогер ұсталды (видео)
Алматыда өзін блогермін деп таныстырып, бопсалаған ер адам ұсталды. Бұл туралы Stan.kz ақпарат агенттігі хабарлайды.
Блогер жәбірленушінің видеосын әлеуметтік желіге жариялаймын деп қорқытып, бопсалап, 700 мың теңге сұраған.
"Алматы полициясы бопсалау фактісі бойынша сотқа дейінгі тергеу жүргізіп жатыр. Бұл қылмысты жасады деген күдікпен өзін блогер деп таныстырған 37 жастағы ер адам ұсталды", – делінген полиция хабарламасында.
Күдіктіні кеше кешкісін ұйымдасқан қылмысқа қарсы күрес департаментінің қызметкерлері ұстады. Күдікті ақша алу мақсатында жүргізілген арнайы операция кезінде қолға түсті.
Ер адамның жанында, көлікте екі көмекшісі болған. Олардың да қылмысқа қатысқаны анықталды.
"Олардың әрекетіне құқықтық баға беріледі. Блогердің өзі уақытша ұстау изоляторына қамалды", – делінген хабарламада.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі