Алматыда ер адам пәтердегі сейфті ұрлап, троллейбусқа мініп қашпақ болған
Алматыда полицейлер пәтердегі сейфті ұрлап, троллейбусқа мініп қашпақ болған ер адамды ұстады. Бұл туралы Stan.kz ақпарат агенттігі Polisia.kz порталына сілтеме жасап хабарлайды.
Бұл адам Алматы қаласының криминалдық полиция қызметкерлері жүргізген арнайы операция барысында ұсталды. Қылмысты жасаған соң ол ұрланған мүліктің бір бөлігін, шағын сейфті, қала троллейбусымен алып кетпек болған.
"Қазір күдіктінің басқа ұқсас қылмыстарға қатысы тексерілуде. Біз мүліктік қылмыстарды ашу бойынша күнделікті жұмыс істейміз және қала тұрғындарының мүлкін қорғауға ерекше көңіл бөлеміз", – деді Алматы қалалық полиция департаментінің криминалдық полиция басқарма бастығы Асхат Даулетияров.
Қазір оқиғаның барлық жағдайын анықтау үшін тергеу және жедел шаралар жалғасып жатыр.
"Төрт жыл бұрын Қазақстан азаматтығын алған": Сарапшы Шарлапаевтың "Атамекен" кәсіпкерлер палатасына тағайындалуын сынға алды
Экономист мұны "бір баррикададан екіншісіне өту" деп бағалайды
Еңбек кітапшасын жоғалтып алған: Танымал продюсер зейнетке шыға алмай жүргенін айтып берді
Оның айтуынша, азаматтарды бір мекемеден екіншісіне жіберіп, дөрекі сөйлейтін жағдайлар жиі кездескен