Соңғы жаңалықтар

Алматыда ер адам екінші рет өмір бойына бас бостандығынан айырылды

Алматыда өмір бойына бас бостандығынан айырылған "Қара бүркіт" колониясында жазасын өтеп жатқан ер адам екінші рет өмір бойына бас бостандығынан айырылды, деп хабарлайды Stan.kz ақпарат агенттігі.

Жақында Алматы сотында С.есімді ер адамға қатысты қылмыстық істі қарау аяқталды. Белгілі болғандай, 2013 жылы ол сегіз адамды өлтіргені үшін өмір бойына бас бостандығынан айырылған. "Қара бүркіт" колониясында жазасын өтеп жүрген кезде оның тағы екі әйелді өлтіруге қатысы бар екені анықталды.

"2001 жылдың күзінде Б.және К. пәтерлерін иемдену мақсатында жәбірленушілердің сеніміне кірді. 2001 жылдың қазан айында өзіне сенім білдірген Б.және К. - ны жалға алынған үйге шақырды, онда басқа адамдармен бірге оларды өлтірді. Кейіннен С.және басқа да тұлғалар құқық белгілейтін құжаттарды иемденіп, жалған сенімхаттарды пайдалана отырып пәтерлерді сатты", - делінген Алматы қаласының мамандандырылған ауданаралық қылмыстық сотының хабарламасында.

Алқабилер бірауыздан ер адамды екі немесе одан да көп адамды өлтіргені үшін кінәлі деп таныды және оны өмір бойына бас бостандығынан айыруға тағы бір рет үкім шығарды. Үкім заңды күшіне енген жоқ.

Талқылау
Пікір
Қазір оқып жатыр
Çàãðóçêà...
Қазір оқып жатыр