Алматыда елге заңсыз кірген африкалықтар ұсталды
Шетелден келген заңсыз мигранттар Алматының әртүрлі нысандарында заңсыз жұмыс істейді. Бір күн бұрын қаладан бірнеше шетелдік ұсталды. Бұл туралы Stan.kz ақпарат агенттігі хабарлайды.
Фото: Polisia.kz
Алматы қалалық ішкі істер департаменті көші-қон қызметі басқармасының бастығы Асхат Бутунчиновтың айтуынша, қалаға жүргізілген рейд нәтижесінде барлығы 40 шетелдік ұсталды. Олардың көбінің жеке басын растайтын құжаттары жоқ.
“Көбі – көршілес шекаралас мемлекеттер мен Африка континентіндегі елдердің азаматтары. Ұсталғандардың жеке басы толық анықталғанша қабылдау-бөлу орнына орналастырылады”, – деді Бутунчинов.
Енді оларға қатысты еліміздің көші-қон заңнамасын бұзу бойынша материалдар жиналады.
Еске салайық, бұған дейін Астанада Африкадан заңсыз келген әйелдер интимдік қызмет көрсеткені туралы хабарлаған едік.
Талқылау