Алматыда әйел кішкентай қызымен бірге бесік арбаларын ұрлаған (видео)

Жамбыл облысының 25 жастағы тұрғыны кішкентай қызымен бірге Алматыда бесік арбаларын ұрлаған, деп хабарлайды Stan.kz ақпарат агенттігі. 

Әйел тұрғын үйлердің подъезінен балаларға арналған велосипед пен бесік арбаларын ұрлап отырған. 

"Ол бейне бақылау камераларының барына да мән бермеген. Кішкентай қызының көзінше бірнеше рет қылмыс жасаған. Қазір А. есімді азаматтың 8 бөтеннің мүлкін ұрлау қылмысына қатысы бар екені анықталды. Жасалған қылмыстар бұдан да көп болуы мүмкін. Бұл бағытта жұмыстар жалғасып жатыр", – деді Бостандық ауданы полиция басқармасының басшысы Думан Аухадиев.