Алматыда әуежай ішінде түкірген Қытай азаматына айыппұл салынып, рейстен шығарылды
Алматыда әуежай ішінде түкірген Қытай азаматына айыппұл салынды. Бұл туралы Stan.kz ақпарат агенттігі хабарлайды.
Фото: depositphotos.com
Алматы әуежайындағы желілік полиция бөлімі Алматы-Шымкент бағыты бойынша ұшпақ болған жолаушыны ұстады. Полицияның мәліметінше, 34 жастағы Қытай азаматы отырғызу кезінде әуежай ішінде түкіріп, қоғамдық орынды ластаған.
Құқық бұзушы жауапкершілікке тартылып, оған 5 АЕК (19 660 теңге) көлемінде айыппұл салынды. Сонымен қатар ол рейстен шығарылды.
Көліктегі полиция басқармасы жыл басынан бері әртүрлі әкімшілік құқық бұзушылықтарды жасағаны үшін 5249 құқық бұзушы, оның ішінде 499-ы қоғамдық аумақтарды ластағаны үшін жауапкершілікке тартылғанын атап өтті.
Еске салсақ, бұған дейін Астана әуежайында ер адам FlyArystan бортсерігіне шабуыл жасағаны туралы жазған едік.
Талқылау
Қазақстан қалаларында қоғамдық көлікпен жүру құны қанша
Талдықорғанда оқушылар мен студенттерге, сонымен қатар зейнеткерлерге жолақы тегін
"Жалғыз өзі шетелге барып келген қызға жоламаңдар": Әлеуметтік желідегі пікірлер қазақстандық арулардың наразылығын тудырды
Жігіттер: "Ол жақта не істеп келгендерін өздерінен басқа ешкім білмейді"