Алматыда 95 жастағы қария коронавирусты жеңіп шықты
Алматы модульді жұқпалы аурулар ауруханасының дәрігерлері 95 жастағы науқасты коронавирус инфекциясынан емдеп, ауруханадан шығарды, деп хабарлайды Stan.kz ақпарат агенттігі.
Қабылдау кезінде компьютерлік томография науқастың өкпесі 70% зақымданғанын көрсеткен. Оған қоса қарияның бірқатар созылмалы аурулары болған.
"Оның жүректің ишемиялық ауруы, эксцеральды стенокардия, артериялық гипертензия, ми тамырларының жасына байланысты патологиясы болды, цереброваскулярлық апат және прогрессивті дискулирациялық энцефалопатия (мидың прогрессивті мультифокальды немесе диффузды тамырлы зақымдануы) болды", - деп хабарлайды ведомствоның баспасөз қызметі.
Егде жастағы ер адамды инфекциядан толық емдеу үшін дәрігерлерге 18 күн қажет болды. Алғашқы 8 күнде науқас жасанды тыныс алу аппаратына қосылған.
Реаниматолог дәрігер Бауыржан Сәрсембаевтың айтуынша, жүргізілген күрделі интенсивті және антивирустық терапияның әсерінен осындай керемет нәтижеге қол жеткізді.
"Сонымен қатар, көп нәрсе адамның ішкі жағдайына, оның өмір сүруге деген құштарлығына, отбасына оралуына, оны күтіп отырған туыстарына байланысты екендігіне қосқым келеді. Бұл біздің ауруханамыздағы коронавирусты жеңген ең үлкен науқас", - дейді Сарсембаев.
Өз кезегінде пациент клиниканың барлық медициналық қызметкерлеріне көрсеткен ерліктері үшін алғыс білдірді және пандемиямен күресте бақыт, денсаулық және шыдамдылық тіледі.