Алматыда 6 қабатты әкімшілік ғимараттан өрт шықты (видео)
Алматыда Жетісу ауданы Новгородская көшесі бойында орналасқан 6 қабатты әкімшілік ғимарат өртке оранды. Бұл туралы Stan.kz ақпарат хабарлайды.
Фото: ТЖМ
Өрт сөндірушілер оқиға орнына дереу жетті. Алайда соған қарамастан өрт өршіп, ғимараттың шатыры мен қаптамасы толығымен жанып кеткен. Өрттің өршуіне лак-бояу өнімдері бар ыдыстардың жарылуы мен төтенше жағдайдың кеш хабарлануы себеп болған.
Ғимарат ішінде жанғыш заттар, атап айтқанда лак-бояу өнімдері болғандықтан өртті сөндіру қиынға соққан.
Төтенше жағдай департаментінің бастығы полковник Нұрлан Атығаевтың басшылығымен оқиға орнында жедел өрт сөндіру штабы жұмыс істеді. Сондай-ақ үздіксіз су беру ұйымдастырылып, өртті ауыздықтау үшін төтенше жағдай министрлігінің автопойызы тартылды.
Фото: ТЖМ
Төтенше жағдай министрлігі 7:45 шамасында өрттің түгелдей сөндірілгенін мәлімдеді. Зардап шеккендер жоқ.
Бұған дейін Таиландта қазақстандықтар мінген яхтаның жарылғаны туралы жазған едік.