Соңғы жаңалықтар
Соңғы жаңалықтар

Алматыда 4 жасар туған қызына азғындық жасаған азамат сотталды

Алматыда зардап шегуші төрт жасар қыздың туған әкесіне қатысты сот процесі аяқталды, деп хабарлайды Stan.kz ақпарат агенттігі «НеМолчи» қоғамдық қорына сілтеме жасап.

Жеті баланың анасы, сотталушының әйелі, төрт жасар қызына қатысты азғындық әрекеттері үшін күйеуін ұстап алып, дереу полиция шақырғаны хабарланды.

Сот ер адамды кінәлі деп танып, оны 20 жылға бас бостандығынан айыру және бес миллион теңге көлеміндегі моральдық зиянды өтеу туралы үкім шығарды.



«Бұл анасы үшін қиын процесс болды. Сотталушыны ақтап жатқан сөздер оған ауыр тиді. Сотталушының адвокаты қандай әдістер қолданғанын есіту өте ұят. Әкесі ештеңе жасаған жоқ, бұл жай ғана халықтың «әпшу берші» деген дәстүрі деді. Біздің ұлттық дәстүрлерді педофилдердің әрекеттерін ақтауға айналдырып жатыр», - деп жазды Дина Таңсәрі Facebook парақшасында.

Айта кетейік, 7 баланың әкесі 4 жастағы туған қызын азғындағаны белгілі болды. Тергеу басталғаннан кейін, күйеуінің туыстары кешірім беруін сұрап ақша да ұсынған. Оған қоса, туыстары балалармен көрісуге рұқсат беруін сұрапты. Алайда келіншек келіспепті. Жағдайының нашар екеніне қарамастан, ол соңына дейін барамын деп отыр. 

Талқылау