Қашықтан оқыту үшін ноутбуктер сатып алған: Алматы облысының білім басқармасының басшысы пара алды деп айыпталды
Алматы облысы білім басқармасының бастығы Майгүл Омарова ірі көлемде пара алғаны үшін ұсталды, деп хабарлайды Stan.kz ақпарат агенттігі.
Тергеу материалдары бойынша Майгүл Омарова 2020 жылдың қазан-қараша айларында жеке кәсіпкермен жалпы сомасы 406 миллион теңгеге 2 522 дана ноутбук жеткізуге және пандемиямен күрес бойынша дағдарысқа қарсы шаралар аясында сатып алып, жеткізілген ноутбуктерді кедергісіз қабылдауға бір көзден алу тәсілімен мемлекеттік сатып алу шартын жасасқан.
ҰҚКД және Алматы облысының прокуратурасымен бірлесіп, сотқа дейінгі тергеу бойынша арнайы жедел-іздестіру іс-шаралары мен жасырын тергеу әрекеттерін жүргізді. Оның нәтижелері бойынша "Алматы облысының білім басқармасы" ММ басшысы Майгүл Тлеутайқызы Омарова, "Алматы облыстық білім саласындағы ақпараттық технологиялар ғылыми-практикалық орталығы" КММ басшысы Арапби Айдынұлы Меңлібаев (1992 жылғы) және Алматы облысы Білім басқармасының Күрделі жөндеу және мемлекеттік сатып алу бөлімінің бас маманы Абдолданова Бақыт Сағатқызы (1989 жылғы).
"2021 жылғы 1 ақпанда топ болып, алдын ала сөз байласу арқылы "Әзім", Lazer, LapTop, LuckCom, "Алмас", "Қыдыралинов" ЖК өкілі Н.Ж.Нүкеновтен 37 650 000 теңге сомасында аса ірі мөлшерде пара алды.
Тінту іс-шараларын жүргізу барысында 37 450 000 теңге сомасында қолма-қол ақша түріндегі заттай дәлелдемелер табылып, алынды (қалған 200 мың теңге бұрын "Kaspi Bank" АҚ-дағы Б.С. Абдолданованың банк карточкасына аударылған)", - делінген хабарламада.