Алматы облысында жауын-шашын салдарынан тас жолды су шайып кетті (видео)
Алматы облысында жаңбыр салдарынан республикалық тас жолдың бір бөлігін су басып қалды. Бұл туралы Stan.kz ақпарат агенттігі хабарлайды.
5 шілдеде Ұйғыр ауданында нөсер жауын салдарынан Алматы – Көкпек – Көктал тас жолының 216-220 шақырымында ағын су жүріп өтті.
Оқиға орнынан түсірілген кадрлар әлеуметтік желілерде пайда болды. Куәгерлер жариялаған видеожазбаларда жүргізушілердің жолдан қалай өте алмайтұрғанын көруге болады.
"Құбырлы өткелден су ағыны жүрді. Соның салдарынан жолға лай жиналды, оның көлемі шамамен 70 текше метрді құрады. "Қазақавтожол" ұлттық компаниясының қызметкерлері арнайы техниканың көмегімен тазарту жұмыстарын жүргізді. Қайтыс болғандар, зардап шеккендер мен қирандылар жоқ", - деп хабарлады Алматы облысы ТЖД баспасөз қызметі.
Ведомстводағылар қазір жолдың ашық екенін және көлік қозғалысы қалыпты режимде жүргізіліп жатқанын хабарлады.
Талқылау