Алматы облысында жауған бұршақ егістікті таптады, сондай-ақ демалушылардың мазасын алды
Бұршақ 13 тамызда Алматы облысының Лепсі ауылында жауған. "Хабар 24" арнасы мәлімдегендей мұзды бұршақтардың көлемі бес сантиметрге жеткен. Бұл жайында Stan.kz ақпарат агенттігі хабарлайды.
Жауын-шашын шамамен жарты сағатқа созылған – осы уақыт ішінде тосыннан келген апат жергілікті шаруа қожалықтарына зиянын тигізіп үлгерген. Әсіресе алма, алмұрт, қызанақ пен қияр өнімдері егілген егінжайларға көп залал келген.
"Сирек болатын, алайда жойқындығы жоғары табиғи құбылыс орын алды. Бұрын-соңды болмаған ауқымды бұршақ ауыл тұрғындарының бақтары мен ағаштарында өскен бүкіл өнімдерді жойды. Климат өзгеруде және мұндай қауіпті әрі стихиялық гидрометеорологиялық құбылыстардың жиілігі тек өседі деп болжануда", – деп жазды әлеуметтік желі қолданушысы Зуфар Тоқпаев.
Ауа райының қолайсыздығы Алакөл көлінде де байқалған.
Талқылау
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн