Алматы облысында үй өртеніп, ана мен сәби ажал құшты
Фото: Видеодан скрин
Қайғылы жағдай Алматы облысы Кенен Әзірбаев ауылында болды. Таңғ уақытта бірден үш жеке тұрғын үй отқа оранды. Бұл туралы Stan.kz ақпарат агенттігі КТК арнасына сілтеме жасап хабарлайды.
Құтқарушыларға төтенше жағдай туралы хабарлама өрт шыққан соң бір сағаттан кейін түскен.
Оқиға орнына 18 құтқарушы мен алты арнайы техника аттанды. Алайда олар жеткенше каркас-қамыстан салынған үйлермен бірге соларға жапсарлас қоралар да жалынға оранған еді. Отты ауыздықтау үшін қызметкерлер бірнеше бригадаға бөлінді. Өрт араға үш сағат салып толық сөндірілді. Қираған үйлердің бірінен анасы мен сәбиінің мәйіті табылды. Тағы бір адам қатты күйік алып, ауруханаға жеткізілді. Қазір оқиға орнында мамандар жұмыс істеп жатыр. Олар өрттің себебін анықтауда.
“Оқиға туралы кеш хабарланғандықтан, өрттің ауқымы үлгеріп үлкейіп кетті. Сөндіру жұмыстары жоғары температура, қатты түтін және құрылыстың ерекшеліктеріне байланысты қиындай түсті. Сондай-ақ тар өткелдер мен бір-біріне тығыз салынған ғимараттар да қосымша қиындық тудырды”, – дейді Алматы облыстық ТЖД ресми өкілі Айгерім Қанабекқызы
Оның айтуынша, үйлер арасындағы қашықтық небәрі 1,5–2 метр болған.
"443 мың теңге айыппұл”: Қазақстандықтар екі-үш жерде жұмыс істесе қандай жауапкершілікке тартылады
