Соңғы жаңалықтар
Соңғы жаңалықтар

Алматы облысында рұқсатсыз қазылған көлшікте 8 жасар бала мерт болған

Алматы облысында бір кәсіпкер бүтін бір ауылда білгенін істеп жүр. Талайдан бері мал жайып келген аумақты меншігіне алған ол моланы да қазып тастаған дейді Ұлан ауылының тұрғындары. Енді сол шұңқырлардан адам сүйектері шығып жатыр. Бұл туралы Stan.kz ақпарат агенттігі КТК арнасына сілтеп хабарлайды. 

жер

Ал шаруа қожалығыма қажет деп қазып тастаған көлшіктердің біріне өткен аптада бір бала батып кеткен. Ең сорақысы, оның қолдан тоған жасауына еш рұқсаты да болмапты. Берекесі қашқан ауылға тілшіміз барып қайтты.    

Ұлан ауылының қақ ортасындағы сайда жұрт талайдан бері малын жайып келеді. Балалар да осында ойнайды. Ауыл тұрғындары Наурыз мерекесін де осы жерде өткізіп келген екен. Енді аумақтың иесі пайда болып, бұдан былай мұнда ешкімді кіргізбейтінін мәлімдепті.

"Жасы 70-тен асқан Баққожа деген кісі. "Жоқ, мен ештеңе білмеймін, қоршап тастаймын, кірген мысығыңды атып тастаймын, аяғыңды сындырам" - деген", - дейді Ұлан ауылының тұрғыны Төлеухан Әбілханов.

Жеке кәсіпкер 24 гектардан астам жерді жеті жыл бұрын сатып алған екен. Ал былтыр күзде мұндағы жерді қазып жасанды көлшік жасаған. Ат шаптырым жерді меншігіне алған адам мұнда дәл осындай бес көлшік қазатынын айтыпты. Онда балық шаруашылығымен айналыспақшы. Ал аумақтың тағы бір шетінде түйеқұс өсіруді жоспарлап қойыпты. Өткен бейсенбіде бұл суға сегіз жасар ойын баласы батып кетіпті. Тереңдігі екі жарым метр болатын көлшіктен оны тұрғындар әрең алып шыққан.

"Екі жарым метрдей тереңдігі, сол судың астынан баланы алып шықты. Бұл жерде енді бала болғаннан кейін, ойнайды да", - дейді Ұлан ауылының тұрғыны Бейбіт Шаңтимесов.

Аумақта кәсібін дөңгелетіп, пайдаға кенелмек болған адамға қайғылы жағдай да тосқауыл болмай тұр. Ол сайдағы ата-бабалардың ескі зиратын да пысқырмаған. Енді қазылған шұңқырлардан адам сүйектері шығып жатыр.

"Ол кісі бірінші мына жерден қазған. Адамның сүйегі шыққаннан кейін, тастай салып, тіпті көмбеген, көрмейсіз бе! Мынадан қазған. Сүйек негізі мына жерден шыққан", - дейді Ұлан ауылының тұрғыны Төлеухан Әбілханов.

Кәсіпкер жазда бақша суаратын суымызға да зиянын тигізіп отыр дейді жұрт. Сондықтан,бұл жерді халық игілігіне қайтаруды сұрайды. Белгілі болғандай, таласқа түскен гектарлар жекенің қолына сонау 2006 жылы беріліпті. Ал қазіргі иесі оны 2014 жылы өз қызынан сатып алған. Қазір жер теліміне қатысты мұрағаттағы құжаттар көтеріліп, мән-жай анықталып жатыр дейді жауаптылар.

"Біз Қарасай ауданының атынан жерді қадағалау-бақылау басқармасына, өз тараптарынан тиісті заңға сәйкес іс-шара жасауына хат жолдадық. Бұл жерге ешқандай көл жасауға болмайды. Алдымен рұқсат қағазын алу керек. Ол кісіде рұқсат жоқ. Ол кісінің атына 10 күн ішінде жерде қалпына келтіремін деп акт жасалды", - дейді Қарасай ауданы жердің пайдаланылуы мен қорғалуын бақылау басқармасының бас инспекторы Кенжемұрат Қасенов.

Алайда қазылған су сол күйі тұр. Соған қарамастан аумақтың халыққа қайтарылуы екіталай дейді мамандар. Сегіз 8 жасар баланың өліміне қатысты қылмыстық іс қозғалып, тиісті сараптамалар тағайындалған.

Талқылау
Пікір
Қазір оқып жатыр
Çàãðóçêà...
Қазір оқып жатыр