Алматы облысында полиция басшысы қол астындағы қызметкерін балағаттап, погонын жыртып тастаған
Алматы облысы Еңбекшіқазақ аудандық полиция басқармасының басшысы қол астындағы қызметкерлерінің погонын жыртып, балағаттады деген жазбаға қатысты қызметтік тексеру жүріп жатыр, деп хабарлайды Stan.kz ақпарат агенттігі 31 арнаның “Информбюро” жаңалықтар бағдарламасына сілтеме жасап.
Дәулет Бағашар есімді полицей бастығының өзіне дөрекі сөйлеп, бейнетіркегішті де жұлып тастағанын видеоға түсірген еді. Видеода Дәулет Бағашар киімінің жыртылғанын көрсетіп, қалтасынан погонын шығарып жатыр. Ал оны түсіріп тұрған адамның аты аталмайды. Бірақ полиция басқармасының басшысы оның да погонын жыртып тастағанын айтады. Басшылық пен қатардағы қызметкер арасында не болғаны белгісіз.
“Аталған дерек ақпаратты есепке алу кітабына тіркеліп, жарияланған бейне және аудиожазбалар барлық егжей-егжейлі зерттелуде. Сараптама нәтижелері шыққаннан кейін аталған бөлімшенің лауазымды тұлғаларының іс әрекеттеріне баға беріледі және тиісті шешім қабылданады”, – деді Алматы облысы Полиция департаментінің ресми өкілі Ақбота Қуанышбекқызы.
Талқылау
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
Даррен Чандлер: "Қазақ тілін әйелімнің тілі болғандықтан жақсы көремін"
“Келін қылып алатын қыз”: Желіде қазақша ән айтқан португалиялық ару қазақстандықтарды тәнті етті
Лара: "Қазақтар өте-өте талантты халық”