Алматы облысында екі жасар сәби суға батып кетті

Алматы облысы Қызыл-Қайрат ауылында екі жасар сәби суға батып кетті, деп хабарлайды Stan.kz ақпарат агенттігі. 

Қайғылы оқиға жайлы @kris_p_talgar паблигі Талғар аудандық ТЖБ-ға сілтеме жасап хабарлады. 

21 мамыр күні сағат 16:00 шамасында бала жеке тұрғын үй ауласынан жоғалып кеткен. Туыстары баланы іздеп таба алмаған. 18:15-те көмек сұраған. Оқиға орнына полицейлер, құтқарушылар мен кинологтар келіп жетіп, сағат 19:20 шамасында сәбидің денесі Цыганка өзенінен табылды. Бала осы өзен маңында орналасқан үйде қонақта болған. 

• "Күйеуім жұмысқа кетіп қаза тапты": Асыраушысынан айырылған көп балалы ана көмекке мұқтаж

• "Балаға тиіссе де, 10 күн ғана берді": Нұр-Сұлтанда автобуста қызға алымсақтық жасаған ер адамға қатысты сот өтті

Сондай-ақ баланың ағыспен бір шақырым жерге дейін ағып барғаны атап өтілген. Көз жұмған сәби бір аптадан кейін екі жасқа толар еді.