Алматы-Бішкек тас жолында көлік апатынан 7 адам ажал құшты
Фото: Видеодан скрин
Алматы-Бішкек тас жолының 129-шы шақырымында шағын минивен жүк көлігінің тіркемесімен соқтығысты. Бұл туралы Stan.kz ақпарат агенттігі хабарлайды.
Алматы облысының полициясы жол-көлік апатының салдарынан жеті адам қаза тапқанын хабарлады. Honda Odyssey жүргізушісі алда келе жатқан HOWO жүк көлігінің тіркемесімен соқтығысқан.
“Жол-көлік оқиғасының салдарынан жеңіл көлікте болған жеті адам, соның ішінде жүргізуші, ауыр жарақат алып, қаза тапты”, – деп мәлімдеді ведомство.
Қазір жол апатының барлық мән-жайын анықтауға бағытталған сотқа дейінгі тергеу жүргізілуіп жатыр.
