“Әуежай аумағында контейнерлер ғимараттар мен құрылыстардан 18 метрден қысқа қашықтықта, Air Astana Centre 3 ғимаратының батыс жағында орналастырылған. Сондай-ақ жоспарды өзгерту Т-2 халықаралық терминалының бөлмелеріндегі автоматты өрт дабыл жүйесі мен өрт сөндіру құрылғыларының жұмыс аймағын азайтқан, атап айтқанда багаж бөлімінде және 1-8 нөмірлі қызметтік бөлмелерде”, – деп көрсетілген сот шешімінде.
2026 жылы 19 қаңтарда мамандар жоспардан тыс бақылау тексерісін жүргізіп, әуежай талаптың екі пунктін орындамағанын анықтады.
Сот әуежайды әкімшілік жауапкершілікке тартып, 500 АЕК көлемінде, яғни 2 162 500 теңге айыппұл салды.
Әуежайға жауапкершілік жүктелген бапта айыппұл ғана емес, сонымен қатар рұқсатты немесе қызметті тоқтатуды да қарастырылған. Алайда сот әуежайдың жұмысын тоқтатпады. Өйткені заң бұл шараны міндеттемейді. Ал әуежай жұмысын тоқтату әлеуметтік-экономикалық үлкен салдарға әкелуі мүмкін.
Шешім заңды күшіне енді. Әуежай айыппұлды 30 күн ішінде төлеуге тиіс.
