Алматы әкімдігі Әл-Фараби даңғылындағы газ құбырын жөндеу жұмыстарын кейінге шегерді
Фото: T.me/almaty_akimat
Алматыда Әл-Фараби даңғылындағы газ құбырын қайта жаңарту жұмыстары келесі жылға дейін тоқтатылды. Бұл туралы Stan.kz ақпарат агенттігі хабарлайды.
Алматы қаласы әкімінің коммуникация және БАҚ-пен жұмыс бойынша кеңесшісі Ильзат Акчурин жөндеу жұмыстарының кейінге қалу себептері мен мерзімі туралы айтты.
“Жаз мезгілінде "QAZAQGAZ AIMAQ" АҚ Луганский және Армянская көшелерінен бастап Әл-Фараби даңғылы арқылы Esentai Mall тұрағына дейін, сондай-ақ Әл-Фараби даңғылынан Мендіқұлов бульварына дейінгі жер асты газ құбырын қайта жаңартуды жоспарлады. Алайда ұйымдастыру мәселелеріне байланысты жұмыс кеш басталған”, – дейді Ильзат Акчурин.
Сөйтіп әкімдік жаңа оқу жылының басталуын, қайта жаңғырту аймағында көптеген мектептер мен мектепке дейінгі мекемелердің орналасқанын және Әл-Фараби даңғылы бойындағы көлік кептелісін ушықтырмау қажеттігін ескеріп, бұл жұмыстарды уақытша тоқтатты.
Сондай-ақ, ол қазіргі орташа қысымды жер асты газ құбыры 1974 жылы пайдалануға берілгенін атап өтті. Сондықтан оны міндетті түрде қайта жаңарту қажет. Жөндеу жұмыстары келесі жылы жүргізіледі. Алдын ала жоспар бойынша, жөндеу жұмыстары жазда, көлік қозғалысы азайған кезде басталады.
Еске салайық, бұған дейін Алматыда 1974 жылы салынған орта қысымды жер асты газ құбыры қайта жөндеу үшін Әл-Фараби даңғылындағы қозғалыс екі айға шектелетінін жазған едік.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
