Оралда көше ортасында сиырларды ток соғуда: Әлеуметтік желіде таралған видео жұртты шошытты

Орал маңындағы Круглоозерное ауылының тұрғындары қауіпті электр желілері проблемасына назар аудартуға шешім қабылдаған. Осы мақсатта олар тұрғындары сиырларды дәл көшеде электр тогы соғып жатқаны көрсетілетін кадрларды түсіріп, таратты.  Бұл туралы Stan.kz ақпарат агенттігі "31" арнаның "Информбюро" бағдарламасына сілтеме жасап хабарлайды.

Ауыл тұрғындары көшедегі электр желілерінің қаупіне алаңдаулы.

Видеода қауіпті аймақтан сиырлардың бірі аман өтсе, енді бірі қатты соққан ток әсерінен құлап жатқанын көруге болады.

Ең қызығы, авариялық қызметтің жөндеу бригадасы бұл жерде токтың әсері жоқ екенін мәлімдеген.