Әлемнің әр еліндегі құқық қорғаушылар "Борат" туралы фильмді марапатқа ұсынбауға шақырды

Бірнеше құқық қорғау ұйымдары "Борат" туралы фильмді "Оскар", "Алтын Глобус" және басқа да беделді халықаралық кино сыйлықтарға ұсынбауға шақырды.

"Борат" туралы фильмнің жалғасын құрметті сыйлықтармен марапаттамауға шақырды. Айтпақшы, фильмнің алғашқы бөлімі "Оскарға" және екі рет "Алтын глобусқа" ұсынылған.

Канадада, Ұлыбританияда, Түркияда, Моңғолияда, Грузияда, Қазақстанда орналасқан ұйымдар Венгрия мен АҚШ-тың ұйымдарына қосылып, кинематографиялық өнер және ғылым академиясын, Голливудтың шетелдік баспасөз қауымдастығын, Американың режиссерлар гильдиясын және Британ кино және телевизия академиясын "Боратты" марапатқа ұсынбауға шақырды.

Шын мәнінде, бұл фильм саласында ең құрметті болып саналатын марапаттарға үміткер бола алмайтындығын білдіреді. Канададағы қазақ қоғамы, қазақ мәдениеті мен медиа қауымдастығы, Қазақстан мен Еуразия мемлекеттерінің достығы мен мәдениеті қауымдастығы, Моңғолиядағы қазақ әйелдері одағы, Грузияның жаһандық іскер әйелдер желісі, Грузияның төрт мезгілі және қазақстандық шығармашылық кәсіпкерлер CAIR National-ға қосылды.

Америкалық қазақ қауымдастығы, Голливудтық киноакадемия және әлемдік қазақ қауымдастығы Саша Барон Коэннің фильмін айыптайды.

"Коэн қазақстандықтарды жаман жағынан көрсету арқылы кез келген моральдық-этикалық нормалардан шықты. Бұл зиянды фактілерді бұрмалаушылықтың салдарынан қазіргі таңда қазақстандықтар көбінесе нәсілдік зорлық-зомбылыққа, қорқытуға, қорлауға тап болды", - деді Hollywood Film Academy директоры Гия Нортас.

Фильм осы жылдың 23 қазанында прокатқа шықты. Бірінші фильм Оскардың үздік бейімделген сценарий номинациясы және "Алтын глобустың" комедия немесе мюзиклдің үздік актері номинациясы, сондай-ақ, үздік комедия немесе мюзикл номинациясын алды.