Әлемдегі ең бақытты қалалардың тізімі шықты

08.05.25 / 17:44

Фото: pixabay.com

Happy City Index әлемдегі ең бақытты қалалардың жыл сайынғы рейтингін жариялады. 2025 жылы 1039 ұпаймен Копенгаген (Дания) көш бастады. Одан кейін үздік бестікке Цюрих (Швейцария), Сингапур, Орхус (Дания) және Антверпен (Бельгия) кірді. Бұл туралы Stan.kz ақпарат агенттігі хабарлайды.

Бақыттың астанасы – Копенгаген

Копенгаген ұзақ уақыт бойы тұрақты қала құрылысы мен жоғары өмір сүру деңгейінің стандартын ұстанады.

"Қала экологиялық тұрақтылық принциптерін терең ұстанған", – делінген хабарламада.

Мұндағы көліктің 69 пайыздан астамы экологиялық таза. Ал тұрғындар велосипедтер мен қоғамдық көліктерді жиі пайдаланады. Сондай-ақ қалада бірегей бақыт мұражайы бар. Онда сіз осы сезімнің ғылыми және мәдени аспектілерімен таныса аласыз. Мұндай бастамалар Копенгагенді өмір сүруге ыңғайлы ғана емес, сонымен қатар шынымен шабыт беретін қала ете түспек.

Басқа бақытты ететін қалалар

Екінші орында 993 ұпаймен Швейцарияның ең үлкен қаласы Цюрих болды. Сарапшылар оның "экономикалық қуатын, жоғары өмір сапасын және тұрақты даму саласындағы белсенді саясатын"атап өтті. "Жаңартылатын энергетика саласындағы бастамалары" мен әлемдегі ең тиімді Денсаулық сақтау жүйелерінің бірі ерекше назар аудартады.

Үшінші орынды Сингапур (979 ұпаймен) иеленіп, Еуропадан тыс ең бақытты қала болып танылды. Ол әлемге әйгілі университеттерімен, азаматтардың белсенділігімен және жұмыссыздықтың жоқтығы үшін жоғары баға алды. Бұл егер ұстаным дұрыс болса, ірі мегаполистер де бақытқа бөлейтінін көрсетті.

Төртінші орынды "мықты экономика және азаматтық белсенділіктің жоғары деңгейімен"ерекшеленетін Данияның екінші ірі қаласы Орхус (958 ұпай) иеленді. Бестікті бельгиялық Антверпен (956 ұпай) жауып, Оңтүстік Кореяның Сеулін (942 ұпай) басып озды. Үздік 10-дыққа Стокгольм, Тайбэй, Мюнхен және Роттердам секілді өзге басқа қалалар да кіреді.

Әлемдегі ең бақытты қалалар:

Копенгаген, Дания;
Цюрих, Швейцария;
Сингапур, Сингапур;
Орхус, Дания;
Антверпен, Бельгия;
Сеул, Оңтүстік Корея;
Стокгольм, Швеция;
Тайбэй, Тайвань;
Мюнхен, Германия;
Роттердам, Нидерланды;
Ванкувер, Канада;
Вена, Австрия;
Париж, Франция;
Хельсинки, Финляндия
Ольборг, Дания;
Берлин, Германия;
Нью-Йорк, АҚШ;
Дрезден, Германия;
Брюссель, Бельгия;
Женева, Швейцария;
Порту, Португалия;
Барселона, Испания;
Осло, Норвегия;
Дублин, Ирландия;
Милан, Италия;
Роскильде, Дания;
Рейкьявик, Исландия;
Окленд, Жаңа Зеландия;
Аделаида, Австралия
Миннеаполис, АҚШ.

Қай елдер рейтингке кірген жоқ

Кең географиялық қамтуға қарамастан, Қазақстан қалалары мен Орталық Азияның басқа да елдері топ-200-дікке кірген жоқ. Рейтингте Әзірбайжан, Моңғолия, Біріккен Араб Әмірліктері және басқа да көптеген елдердің қалалары жоқ.

Жазғы демалыста қайда баруға болады: Қазақстанда демалуға арналған үздік 5 орын

Әлемдегі ең бай адам 94 жасында басшылық қызметінен кететінін айтты

Неліктен бақытты өлшеу маңызды

Зерттеу авторлары атап өткендей, бақыт абстракция емес. Бұл нақты шешімдердің нәтижесі: қалалық инфрақұрылым, білім беру, инклюзивті саясат, экология және инновация.

"Әл-ауқат саясатын жүзеге асырудағы күшті көшбасшылық бұрын-соңды болмағандай маңызды", - делінген баяндамада.

Бақыт әр түрлі жолмен қабылданады: бала үшін бұл ойын алаңдары мен ата-аналардың назары болса, кәрі адамдар үшін қол жетімді медицина мен қауіпсіз ортаны білдіруі мүмкін.

Қызықты хикаялар